İran avtomobillərindən rüsum alınmasıyla bağlı Gömrük Komitəsinin ŞƏRHİ

Xəbərin çap versiyası
Tarix: 13-09-2021, 19:21


Azərbaycan Dövlət Komitəsi Gorus-Qafan yolunda İran maşınlarından rüsum alınmasına dair məlumatlara rəsmi münasibət bildirib.

CivilAzerbaijan.com
bildirir ki, bununla bağlı bu gün, sentyabrın 13-də Komitənin Mətbuat və ictimaiyyətlə əlaqələr idarəsi məlumat yayıb.

Məlumatda ölkə qanunverciliyi xatırlanır:

“...Bildiririk ki, Vergi Məcəlləsinin 210-cu maddəsinə əsasən Azərbaycan ərazisinə daxil olan və Azərbaycan ərazisini tərk edən zaman xarici dövlətlərin avtonəqliyyat vasitələri yol vergisinin vergitutma obyektidir. Bu məcəlləyə əsasən avtonəqliyyat vasitələri yol vergisinə, "Dövlət rüsumu haqqında" Qanununun 24-cü maddəsinə əsasən Azərbaycan ərazisində beynəlxalq avtomobil daşımalarını tənzimləyən icazənin verilməsi üçün dövlət rüsumuna cəlb edilir.”

Qurum habelə vurğulayıb ki, hazırda gömrük orqanları qanunvericilikdə bu istiqamətdə nəzərdə tutulan müddəaların yerinə yetirilməsini bütün ölkə ərazisi üzrə təmin edir.

Azərbaycan polisinin sentyabrın 12-də saat 12:00-dan Gorus-Qafan yolunun onun nəzarətində olan Eyvazlı hissəsində (Ermənistanın Vorotan kəndi yaxınlığında) İran nömrəli yük maşınlarını dayandırmağa başladığı bildirilir. Bu haqda Ermənistanın Milli Təhlükəsizlik Xidməti məlumat yaymışdı.

Azərbaycanın bəzi media orqanları da məlumat yayıblar ki, son günlər İran yük maşınları Goris-Qafan magistral yolunun Azərbaycan ərazisindən (Qubadlı rayonunun Eyvazlı kəndindən) keçən hissəsində saxlanılır. Onlardan rüsum alindığı bildirilir.

Azadlıq Radiosunun məlumatında qeud olunur ki, bu il avqustun sonunda isə Azərbaycanın silahlı Qüvvələri Gorus-Qafan yolunun iki hissəsini iki sutka bağlı saxlamışdı.

Bu da Ermənistanın Sünik vilayətinin iki hissəsi, eləcə də Ermənistanla İran arasında əlaqəni çətinləşdirmişdi. Yol Rusiya tərəfinin vasitəçiliyi ilə açıldı.

civilazerbaijan.com



Diqqətinizi çəkə biləcək digər xəbərlər
{sape_links}{sape_article}



Facebook səhifəmiz