Daha bir qrup Azərbaycan vətəndaşı Almaniyadan geri qaytarılıb

Azərbaycan və Avropa İttifaqı arasında icazəsiz yaşayan vətəndaşların readmissiyası haqqında saziş çərçivəsində dekabrın 15-də 20 nəfər Azərbaycan vətəndaşı Bakıya qayıdıb.

Civilazerbaijan.com bildirir ki, bu barədə cümə günü Azərbaycan Dövlət Miqrasiya Xidmətinin İctimaiyyətlə Əlaqələr İdarəsinin məlumatında deyilir.

Vətəndaşların qəbulu koronavirus pandemiyası ilə əlaqədar Nazirlər Kabineti yanında yaradılmış Operativ Qərargahın müəyyən etdiyi qaydalar çərçivəsində həyata keçirilib.

Reinteqrasiya üzrə işçi qrupu geri qayıdan vətəndaşların üzləşə biləcəyi mümkün çətinliklərin aradan qaldırılması üçün tədbirlər görür.

civilazerbaijan.com