Binəli Yıldırım: İstefa verəcəyəm

Türkiyənin baş naziri Binəli Yıldırım bəyan edib ki, konstitusiya dəyişiklikləri ölkənin federal sistemə keçidinə gətirib çıxaracaqsa, istefa verəcək.

SİVİL.AZ xəbər verir ki, Trend-in məlumatına görə, Ankarada mitinqdə çıxış edən B. Yıldırım Türkiyənin bu cür sistemə keçidinin mümkün olmadığını deyib.

Baş nazir deyib: “Artıq bir şey uydura bilməyənlər indi deyir ki, Türkiyə referendum nəticəsində unitar sistemdən imtina edəcək. Yəni bir mərkəzi hökumət və çoxlu kiçik hökumətlər olacaq. Əgər bu cür sistem yaranarsa,mən partiya sədri və baş nazir olaraq istefa verəcəyəm”.

B. Yıldırım federallıq məsələsinin Türkiyə üçün çox həssas olduğunu vurğulayıb.

civilazerbaijan.com