Binəli Yıldırım Gürcüstana gedir

Türkiyənin baş naziri Binəli Yıldırım bu gün Gürcüstana işgüzar səfərə gedəcək.

civilazerbaijan.com-ın məlumatına görə, bu barədə Türkiyə Nazirlər Kabinetinin rəsmi saytı xəbər verib.

B. Yıldırımın Gürcüstana səfəri çərçivəsində gürcü həmkarı Georgi Kvirikaşvili ilə görüşü planlaşdırılıb.

Görüş çərçivəsində ikitərəfli münasibətlər, eləcə də Gürcüstan-Türkiyə yüksək səviyyəli Strateji əməkdaşlıq şurası iclasına hazırlıq və digər regional məsələlər müzakirə ediləcək.

civilazerbaijan.com