Zatulin Şoyqunun İlham Əliyevə söylədiyi yalanı İFŞA EDİB

Xəbərin çap versiyası
Tarix: 24-09-2020, 21:13
Zatulin Şoyqunun İlham Əliyevə söylədiyi yalanı


Dövlət Dumasının MDB işləri üzrə Komitəsinin sədr müavini Konstantin Zatulin Sputnik radiosunun efirində RF müdafiə naziri Sergey Şoyqunun Ermənistana silah göndərilməsi ilə bağlı yalanını ifşa edib.

CivilAzerbaijan.com
bildirir ki, bu yaxınlarda Rusiyadan Ermənistana hərbi texnika göndərilməsi ilə bağlı hadisəni şərh edən Zatulin deyib: “Məsələn, bu yaxınlarda Gürcüstan Rusiyanın müqavilə əsasında Gürcüstan ərazisindən tranzitlə keçirməyə çalışdığı hərbi texnikanın Ermənistana göndərilməsinin qarşısını alıb.

Ermənistanın bizimlə ortaq sərhədi yoxdur. Gürcüstan bunu həyata keçirməyə imkan verməyib, buna görə ABŞ dövlət katibi Mayk Pompeo ona təşəkkür edib. Bu, ötən həftə baş verib. Onun təşəkkürü açıq şəkildə ifadə olunub. Bir sözlə, Gürcüstan bizə maneə yaratmağa, ayağımızın altına daş qoymağa davam etdiyi halda, hansı etimaddan və Rusiya ilə hansı münasibətlərdən danışmaq olar?!”.

Xatırladaq ki, Rusiya rəhbərliyi indiyədək Ermənistana hərbi texnika göndərilməsi haqqında bəyanatları təkzib edirdi. Müdafiə naziri Şoyqu isə utanmadan Azərbaycan prezidentinin üzünə baxa-baxa hərbi nəqliyyat təyyarələrinin 2 min kilometr məsafədən Ermənistana tikinti materialları daşıdığını bildirib, Turan-ın məlumatında qeyd olunur.

civilazerbaijan.com



Diqqətinizi çəkə biləcək digər xəbərlər



Facebook səhifəmiz