Rusiyalı diplomatdan Ukraynadakı müharibəyə rəsmi ETİRAZ

Xəbərin çap versiyası
Tarix: 23-05-2022, 17:42

Mənbə: The Times

Cenevrədə Rusiyanın BMT-dəki missiyasının müşaviri Boris Bondarev RF-nin Ukraynaya qarşı müharibəsini açıq şəkildə pisləyib və istefa verib.

Civilazerbaijan.com
bildirir ki, bu barədə bazar ertəsi Britaniyanın Daily Express nəşri məlumat yayıb.

Nəşrdə dərc olunan bəyanatda Bondarev belə yazır: "İyirmi illik fəaliyyətim ərzində xarici siyasətimizdə müxtəlif dönüşlər müşahidə etdim, amma heç vaxt ölkəm və işim üçün bu il fevralın 24-də olduğu qədər utanmamışam. Putinin Ukraynaya, əlsində isə bütün Qərb dünyasına qarşı başlatdığı təcavüzkar müharibə təkcə Ukrayna xalqına qarşı cinayət deyil, həm də Rusiya xalqına qarşı, yəqin ki, ən ağır cinayətdir, bu cinayət ölkəmmnizdə uğurlu demokratik cəmiyyətin tədrici inkişafına olan bütün ümidlərin üztündən qalın Z hərfi çəkib".

Bondarev ildən-ilə yalan və qeyri-peşəkarlığın artdığı Rusiya XİN-i ayrıca tənqid edib.

"Bu gün XİN diplomatiya ilə məşğul olmur. O, yalan yayır, ədavəti və müharibəni qızışdırır. Diplomatiya Rusiya cəmiyyətinin real ehtiyacları ilə heç bir ortaq məxrəci olmayan dar insanlar dairəsinin şəxsi maraqlarına xidmət edir", deyən Bondarev işdən çıxmaq qərarına gəldiyini bildirib.

RF XİN bu hadisə ilə bağlı şərh verməyib.

Turanın məlumatında qeyd olunur ki, bəyanatı Britaniya nəşrinin yerləşdirdiyini nəzərə alsaq, diplomatın bu ölkədən sığınacaq aldığını təxmin etmək olar.

civilazerbaijan.com



Diqqətinizi çəkə biləcək digər xəbərlər
{sape_links}{sape_article}



Facebook səhifəmiz