Putin "toplarla yağ arasında" seçim etməli olacaq - JOZEP BORRELL

Rusiyanın Ukraynaya əsassız və səbəbsiz hücumuna görə Moskva üzərinə qoyulmuş sanksiyalar artıq təsirini göstərir və bu təsir gələcəkdə daha da artacaq.

Civilazerbaijan.com bildirir ki, bunu sanksiyalara həsr edilmiş məqaləsində Avropa İttifaqının xarici işlər komissarı Jozep Borrell yazır.

Onun sözlərinə görə sanksiyaların ən yaxın zamanlarda Vladimir Putinin strateji məqsədlərini dəyişəcəyinə inanmağa dəyməz, çünki o, öz siyasətində iqtisadi mülahizələrdən çıxış etmir.

Lakin Borrellin fikrincə, Rusiya rəhbərliyi zaman içində “toplarla yağ arasında”, yəni müharibənin davam etdirilməsi ilə insanların həyat səviyyəsinin saxlanması arasında seçim etməli olacaq.

Borrell xatırladıb ki, Aİ Rusiyanın enerji asılılığından çıxmağa başlayıb və məhz bu, uzun müddət Vladimir Putinin aqressivliyinə layiqincə cavab verilməsinə mane olurdu:

"Hava nəqliyyatını saxlıamaq üçün Rusiya öz təyyarələrinin böyük bir hissəsini uçuşlardan çıxarmalı olacaq, beləki həmin təyyarələri başqa təyyarələrin uça bilməsi üçün ehtiyat hissələrinə çıxdaş etmək lazım gələcək. Bundan başqa hələ maliyyə bazarlarına çıxışın itirilməsi, qlobal tədqiqat proqramlarından xaricolunma və kütləvi zəka axını da var”.

Borrell qeyd edir ki, Çin sanksiyalardan yan keçə bilməsi üçün Moskvaya kömək etməyə can atmır.

Nasist rəhbərlərlə müqayisə

Bununla belə Aİ xarici siyasət idarəsinin başçısı deyib ki, Rusiyaya qarşı sanksiyalara Rusiya taxılının və gübrəsinin ixracı daxil deyil. Borrellin sözlərinə görə qlobal enerji və ərzaq böhranlarının həlli üçün müharibənin dayandırılması vacibdir, lakin bu, Moskvanın şərtləri ilə olmamalıdır, Azadlıq Radiosunun məlumatında qeyd olunur.

“Yağ yerinə toplar” şüarından nasist Almaniyasının rəhbərləri istifadə edirdilər. Onlar iddia edirdilər ki, vermaxtın təkrar silahlanması üçün adamların ərzaqda qənaət etməsi lazımdır.

Hitlerin müavini Rudolf Hess 1936-cı ildə deyirdi: "Çoxlu yağdan əvvəl bizim çoxlu toplarımız olmalıdır, yoxsa nə vaxtsa bizim axırıncı yağlı tikəmizi əlimizdən ala bilərlər”.

Başqa bir məşhur ifadə isə Hermann Görinqə aiddir: “Toplar bizi daha güclü edir, yağdan isə yalnız kökəlmək olar”.

civilazerbaijan.com