Ağ Ev: “Suriyaya yeni zərbələrin endirilməsi istisna edilmir”

Rəsmi Vaşinqton Suriyaya yeni zərbələrin endirilməsini istisna etmir.

APA-nın RİA Novosti agentliyinə istinadən verdiyi xəbərə görə, bunu Ağ Evin mətbuat katibi Şon Spayser bəyan edib.

“Əgər dinc insanlar zəhərli maddələrdən istifadə ilə hücuma məruz qalsalar, yeni zərbələrin endirilməsi istisna edilmir”, deyə Ş.Spayser bildirib.

O həmçinin qeyd edib ki, ABŞ Suriya münaqişəsinin nizamlanmasında Rusiya daxil olmaqla digər ölkələrlə əməkdaşlığa üstünlük verir.

civilazerbaijan.com