Azərbaycanlı rejissor Sarayevo Film Festivalının qalibi oldu

Xəbərin çap versiyası
Tarix: 24-08-2020, 00:58
Azərbaycanlı rejissor Sarayevo Film Festivalının qalibi oldu


Azərbaycanlı rejissor Rüfәt Hәsәnov (Ru Hasanov) Sarayevo Film Festivalında “ən yaxşı rejissor” nominasiyası üzrə qalib olub.

CivilAzerbaijan.com
bildirir ki, Rüfət Həsənov film festivalına "Daxildәki ada" filmi ilə qatılmışdı.

Rüfət Həsənov həm də filmin ssenari müəllifidir. Filmin operatoru Orxan Abbasov, quruluşcu rəssam Elturan Məmmədov, həmprodüsserləri Guillaume De Seille, Kamran Aydinov, prodüsserləri Rüfət Həsənov və Müşfiq Hətəmovdur.

Filmdə baş rolları Orxan Tarıverdizadə, Vidadi Həsənov, Qurban İsmayılov, Rafiq Əzimov ifa edir.

Filmin baş qəhrəmanı, şahmatçı gənc mənəvi və fiziki təzyiqlərdən başını götürüb vəhşi atlar yaşayan və bir sakini olan adaya qaçır.

Ötən il isə Azərbaycanlı rejissor Hilal Baydarovun “Xurmalar Yetişən Vaxt” filmi də Sarayevo Film Festivalının ən yaxşı sənədli film üzrə "Heart of Sarajevo" mükafatına layiq görülmüşdü.

“Xurmalar Yetişən Vaxt” filmində kənd həyatının poetik təsviri ilə güclü ana portreti əks olunub.

Sarayevo Film Festivalı 1995-ci ildən keçirilir. İlk festival Bosniya və Herseqovinada müharibə gedən dövr, Sarayevonun mühasirəyə alındığı bir vaxtda keçirilib. O vaxtdan hər il avqust ayında keçirilir. Cənub-Şərqi Avropa bölgəsinin ən öndə gedən festivallarından olan Sarayevo Film Festivalını hər il 100 mindən artıq insan izləyir.

2004-cü ildən bəri festival "Heart of Sarajevo" adı altında ən yaxşı film, ən yaxşı qısametrajlı film, ən yaxşı sənədli film, ən yaxşı aktrisa və ən yaxşı aktyor mükafatı verir, MeydanTV-nin məlumatında qeyd olunur.

civilazerbaijan.com



Diqqətinizi çəkə biləcək digər xəbərlər
{sape_links}{sape_article}



Facebook səhifəmiz