AXCP Bakıda aksiya keçirib, saxlanılanlar var

Xəbərin çap versiyası
Tarix: 24-10-2022, 20:36

Foto: Turan

Oktyabrın 24-də Bakı Şəhər İcra Hakimiyyətinin qarşısında planlaşdırılan etiraz aksiyasında onlarla aksiya iştirakçısının polis tərəfindən saxlanıldığı bildirilir.

Civilazerbaijan.com
bildirir ki, aksiya iştirakçıları “Azadlıq”, “İstefa”, "Azad seçki", "Siyasi məhbuslara azadlıq" şüarları səsləndirib. Saxlanılanlardan bəziləri polis zorakılığı ilə üzləşdiklərini, hətta avtomobilə zorla mindirildiklərini bildiriblər.

Polis aksiyadan öncə bəzi fəalları evindən götürüb. Onların içində ADR üzvü Ənvər Ağamalızadə, AXCP üzvü Firəngiz Məmmədhüseynova da var.

Ənvər Ağamalızadə səhər saatlarında polis əməkdaşları tərəfindən evindən götürülərək aparılıb.

ADR Partiyasının bu barədə yaydığı məlumatda bildirilir ki, onun hara aparıldığı barədə məlumatları yoxdur. Partiya Ənvər Ağamalızadənin dərhal azad edilməsini tələb edib.

AXCP oktyabrın 24-də saxlanılanların siyahısını yayıb.

Müsavat Partiyasının üzvləri Tofiq Yaqublu, Əziz Məmiyev, AXCP üzvləri Nürəddin Məmmədli, Saqif Qurbanov, Vahid Mirələmli, Faiq Nağıyev, Hüseynağa Məmmədli, Babək Həsənli, Ramid Nağıyev, Mehriban Hüseynli, Qabil Bünyadov, Zamin Salayev, Anar Ərkivan, Baba Süleyman, Fariz Əlizadə, Ülviyyə Əkbərli, Səma Əliyeva, Rəmzi Şıxəliyev, Amil Nəzərov, Cəlal Babayev, Mətanət Turan, Ağababa Cəfərov, Arifə Cəfərova, Ülkər Kazımova, Elnur Quliyev, Xəyyam Şirinov, Elçin Dəmirov, Nata Katamidze, Elxan Əliyev, Rövşən Həşimov,Yeganə Rüstəmova, Tural Tağyev, Tünzalə Əmirova, Orxan Baxışlı, Ramil Məmmədli, Orxan Kamal, Namiq Əkbərov, Könül Əhmədova, Elşən Məmmədov, Pərvin Hacıyev, Tofiq Məmmədov, Cavid İmanquliyev, Gülnarə Rəhimova, Təbriz Qasımov, Murad Tikanlı, Sərvan Əhmədov, İsmayeddin Qasımov, Firəngiz Məmmədhüseynova, Sevda İsmayılova, Şaiq Balakişiyev, Nazilə Kərimova, Gülnar Nəcəfova, Sevil Muradova, Yulət Paşayev, Kəmalə Salehova, Sara Talışxanova, Nazilə Məmmədzadə, Elmira Etibarova, Rövşən Məmmədov, Sevinc Gözəlova, Almaz Səfərova, Sevinc Əliyeva, Bağırov Alim, Həbibov Mehman, Ramiz Kamal, Ədalət Abbasov, Zaur Əhmədov, Mirəli İsmayılov, Rafiq Məmmədov, Ramal Bağırov, Əlizadə Kazımov, Aytən Qasımova, Gülaga Əliyev, Ilham Kəbirli, ADR Partiyasınınü üzvləri Ənvər Ağamalızadə, Dilarə Miriyeva, Gulxanim Rəsulova saxlanılıblar, Meydan TV-nin məlumatında qeyd olunur.

Saxlanılanlar barədə Daxili İşlər Nazirliyindən hələlik, münasibət öyrənmək mümkün olmayıb.

Amerikanın Səsinin məlumatında qeyd olunur ki, oktyabrın 24-də Azərbaycan Xalq Cəbhəsi Partiyası sərbəst toplaşmaq azadlığı və başqa tələblərlə aksiya keçirməyi planlaşdırıb. Təşkilatçıların müraciətinə Bakı Şəhər İcra Hakimiyyəti Aparatından müsbət cavab verilməyib. Cavab məktubunda buna səbəb kimi aksiyanın elan olunduğu yerin təhsil müəssisələri, metro çıxışı və nəqliyyatın intensiv hərəkət etdiyi yola yaxın olması göstərilib.

Bununla belə, AXCP aksiyanın keçiriləcəyini bəyan edib.

civilazerbaijan.com



Diqqətinizi çəkə biləcək digər xəbərlər



Facebook səhifəmiz