ABŞ Krımdakı hərbi obyektlərə endirilən zərbələri dəstəkləyir

ABŞ dövlət katibinin müavini Viktoriya Nuland bildirib ki, ABŞ Ukraynanın ilhaq edilmiş Krımda Rusiyanın hərbi obyektlərinə zərbələr endirməsini dəstəkləyir.

Civilazerbaijan.com bildirir ki, Nuland bu barədə fevralın 16-da Karnegi Mərkəzində danışarkən söyləyib.

“Rusiya Krımda çoxlu hərbi obyektlər tikib, bunlar Ukraynanın vurduğu qanuni hədəflərdir və biz bunu dəstəkləyirik. Krım demilitarizasiya olunmayana qədər Ukrayna təhlükəsiz olmayacaq”, - Nuland bildirib və əlavə edib ki, hətta müharibə bitdikdən sonra da ABŞ Ukraynaya hərbi yardım göstərməyə davam edəcək, çünki Rusiyanın münaqişəni bərpa etməyəcəyinə dair əminlik yoxdur.

Toplum TV-nin məlumatında qeyd olunur ki, rəsmi həmçinin vurğulayıb ki, ABŞ Ukraynanın Rusiya tərəfindən zəbt edilmiş bütün ərazilərini geri qaytarmaq əzmini dəstəkləyir:

“Ukrayna beynəlxalq sərhədlər daxilində bütün torpaqlarının geri qaytarılması üçün mübarizə aparır. Biz onları dəstəkləyirik, o cümlədən Ukraynanın öz ərazilərini geri almaq üçün növbəti hücumunu dəstəkləyirik”.

civilazerbaijan.com